أستـــاذنك بسافر أيام وأجـــــيك
وأن طـــالت أيـام الســـفر لاتحاتـــي
حتـــى ولوطالت ماني مخــليـــــك
يالـــلي بدونك ويـــش تسوا حياتـــي
تأمر على حاجه؟؟ باودعك وأليك
عســـى عـوض الأيام في المقبلاتــي
حتـــى يدي ماودها تفارق يديـــك
ساكت وأنا أشوف البلا في سكاتي
ماشفتنـــي لارحت منك ألتفت فيك
بـــلاي والـــله روحتـي وألتفاتـــي
لكـــن قبل ماأروح ودي أوصــيك
وأنـــت الوحيد أللي يقدر وصاتـــي
لاحد ســـألك وقال لك وين مغلـيك
قـــل له لـــوازم لاقضــاها بياتـــي
وأن طروا النسيان ماني بناســيك
يارأس مالي في الحياه وغناتـــي
قلبـي وهو قلبي أذ أمر طـــاريك
لـــولاضلوعــي كان عزوا مماتـــي
لوجـض صدري كان يمديه ياتـــيك
ويبـــات عـــندك ويـــهنا بالمباتـــي
أنا..وقلبي.. والغلا..ساكن فيـــك
وأنته ..وقلبك..والغلا..وسط ذاتـــي
غلاك مثل الحـــكم عند الممالـــيك
أكبـرطموحـــي..لا..كل أمنياتـــي
شف في غيابي أي حاجه تسليك
لأنـــي بعدك أسلى مع ذكرياتــــي
أحاول أذكر أي شـــي يطريـــك
وأقول هو سوى وأنا ذي سواتـي
كنـــي موادع كل شــي حواليـــك
وكني حسبت حساب حزه وفاتـي
أحب لأني ماأقدر أنساك وأبيـــك
ولاأقـــدر أخليـــك ياللـــي تحاتــي
معنى أحب ..وماأقدر أنسى..وأخليك
يعني بدونك ويش تسوا حيـــاتــــــي
للشاعر / حمدان المري
منتدى- الشعر - القصائد - همس القوافي
موضوع: لاكن قبل ما اروح ودي اوصيك وانت الوحيد اللي يقدر وصاتي 
الثلاثاء يوليو 13, 2010 2:43 am
